Մեր մասին

Կրթություն և թիմի զարգացում

Մենք սկսեցինք մի պարզ, բայց կարևոր գաղափարից՝ լոգիստիկան պետք է լինի հասկանալի, կանխատեսելի և վստահելի։

Սկզբում մենք փոքր թիմ էինք՝ սահմանափակ ռեսուրսներով, բայց մեծ պատասխանատվության զգացումով։

Յուրաքանչյուր բեռ մեզ համար վստահություն էր, որը մարդիկ փոխանցում էին մեզ։

Համակարգային մոտեցումը՝ որպես զարգացման գրավական

Սկզբում մեր աշխատանքը դեռ ձևավորված չէր համակարգերի տրամաբանությամբ․ խնդիրները շատ էին, լուծումները՝ հաճախ ժամանակավոր, կայուն գործընթացներ գրեթե չկային, իսկ աշխատանքը մեծապես կախված էր անհատական ջանքերից։

Ամեն ինչ կախված էր մարդկանց անձնական ջանքերից՝ արագ որոշումներից, փորձից և պատասխանատվությունից։ Բայց հենց այդ գիտակցումն էլ դարձավ մեր զարգացման հիմքը․ մենք սկսեցինք կառուցել գործընթացներ, որոնք հնարավոր է կառավարել, չափել և կատարելագործել։

Այսօր մեր աշխատանքը կառուցված է համակարգերի և տեխնոլոգիաների համադրության վրա։

Նպատակ ունենալով նվազեցնել պատահականության և անհատական կախվածության ազդեցությունը՝ ներդրել ու զարգացրել ենք կանխատեսելի և վերահսկելի լոգիստիկ գործընթացներ՝

• CRM համակարգեր՝ հաճախորդների և գործարքների կառավարման համար,

• ավտոմատացված գործընթացներ,

• յուրաքանչյուր բեռի համար հստակ աշխատանքային փուլեր,

• վերահսկման և հաշվետվողականության մեխանիզմներ,

• տվյալների վրա հիմնված կառավարման մոտեցում։

Կրթություն և թիմի զարգացում

Համոզված լինելով, որ նույնիսկ ամենալավ համակարգն արդյունավետ է միայն այն դեպքում, երբ դրա հետևում կա պատրաստված թիմ, մենք ստեղծեցինք՝

• նոր աշխատակիցների ներգրավման համակարգ,

• աշխատակիցների կրթական ձեռնարկներ,

• ստանդարտացված աշխատանքային կանոններ,

• փորձի փոխանցման մշակույթ թիմի ներսում։

Այս մոտեցումը ձևավորեց թիմ, որը ոչ միայն կատարում է իր աշխատանքը, այլև հասկանում է ամբողջ գործընթացը։

Գիտակցելով նաև ոլորտի ապագա մասնագետների պատրաստման և զարգացման կարևորությունը՝ մենք ստորագրել ենք համագործակցության հուշագիր Կոտայքի տարածաշրջանային պետական քոլեջի հետ, որի շրջանակում ուսանողներին հնարավորություն է տրվում՝

• ներգրավվել լոգիստիկ ոլորտի իրական աշխատանքային միջավայրում,

• կիրառել տեսական գիտելիքները գործնականում,

• ձեռք բերել մասնագիտական փորձ։

Այս նախաձեռնությունը կարևոր քայլ է կրթության և բիզնեսի միջև կապն ամրապնդելու ուղղությամբ։

Մասշտաբացում

Մեր զարգացման կարևոր փուլերից մեկը համագործակցությունն էր ռուսական «ПЭК» ընկերության հետ, ինչը մեզ համար դարձավ անցում նոր մակարդակի՝ ոչ միայն տեխնիկական, այլև մտածելակերպի առումով։ Մենք սկսեցինք աշխատել ավելի մեծ ցանցերի, ավելի բարձր ստանդարտների և ավելի մեծ պատասխանատվության պայմաններում։

Այն, ինչ նախկինում միայն գործընթացներ էին, սկսեց իրական ձև ստանալ՝ ենթակառուցվածքի մակարդակում։ Զուգահեռաբար մենք ստեղծեցինք ավելի բարեկարգ և կազմակերպված գրասենյակային միջավայր, որն աշխատանքային մշակույթի նոր մակարդակ էր՝ կենտրոնացած արդյունավետության և թիմային աշխատանքի վրա։

Մեր ձեռքբերումները

• Մասնաճյուղ Գյումրիում՝ աշխարհագրության ընդլայնում և հաճախորդներին ավելի մոտ լինելու հնարավորություն։

• Սեփական ավտոպարկ՝ ավելի կանխատեսելի փոխադրումներ, ճկուն օպերացիոն կառավարում և ավելի քիչ կախվածություն արտաքին ռեսուրսներից։

• Պահեստային տարածքի ընդլայնում՝ բեռների հոսքերի ավելի արդյունավետ կառավարում, բեռների համախմբման և բաշխման գործընթացների օպտիմալացում։

• Փոստային լիցենզիա և կարգավորվող գործունեություն՝ գործունեության շրջանակի ընդլայնում և կարգավորվող ծառայությունների մատուցման հնարավորություն։

Ով ենք մենք այսօր

Այսօր մենք արդեն լոգիստիկ ընկերություն ենք, որն՝

• աշխատում է միջազգային ուղղություններով,

• սպասարկում է և՛ անհատներին, և՛ փոքր ու միջին բիզնեսներին,

• ապահովում է կայուն և վերահսկելի գործընթացներ,

• և, ամենակարևորը, հավատարիմ է նույն սկզբունքին, որով սկսել է։

Մենք ընկերություն ենք, որն արդեն ունի՝

• օպերացիոն համակարգ՝ ավտոմատացված գործընթացներով,

• ֆիզիկական ենթակառուցվածք՝ կրթված թիմով և գործընկերային ցանցով,

• կայուն զարգացող լոգիստիկ էկոհամակարգ։

Հիմա մենք նույն ճանապարհին ենք, բայց արդեն ավելի մեծ փորձով, ավելի ուժեղ գործընկերներով և ավելի հստակ տեսլականով։

Մեր երազանքը

Սկզբում մենք ուզում էինք պարզապես «լավ անել մեր գործը»։ Հիմա մեր նպատակը ավելի մեծ է՝ ստեղծել լոգիստիկ համակարգ, որը կլինի վստահելի հիմք բիզնեսների զարգացման համար։